Hart deilt um Slóð fiðrildanna 23. júní 2007 12:00 Jón Þór segir aðkomu Baltasars hafa komið honum spánskt fyrir sjónir. „Ég er ekki lengur framleiðandi A Journey Home," segir Jón Þór Hannesson, fyrrum eigandi Saga Film, sem stefndi að því að gera kvikmynd eftir samnefndri bók Ólafs Jóhanns Ólafssonar. Jón Þór hefur unnið að undirbúningi myndarinnar undanfarin tvö ár og eytt að eigin sögn gríðarlegu fjármagni í að koma myndinni á koppinn. Jón Þór ber Baltasar Kormáki ekki vel söguna og að aðkoma leikstjórans hafi komið honum spánskt fyrir sjónir. „Baltasar var stjórnarmaður í stjórn Saga Film og fór á fund bandaríska framleiðandans Steven Haft að beiðni stjórnarinnar. Samband þeirra styrktist síðan þegar á leið og undir lokin var hann farinn að haga sér eins og hann ætti þetta verkefni. Þegar þetta komst upp var auðvitað talað við forsvarsmenn fyrirtækisins en lendingin varð sú að Baltasar var sagður úr stjórninni. Í farteskinu hafði hann hins vegar A Journey Home," lýsir Jón Þór yfir. „Mér finnst þetta í sannleika sagt alveg ótrúleg ósvífni því Saga Film hefur látið háar fjárhæðir af hendi rakna til að finna tökustaði og þess háttar," bætir hann við. „Mennirnir þarna úti töldu sig vera að tala við fulltrúa Saga Film en ekki Baltasar Kormák, kvikmyndaleikstjóra og eiganda Sagnar," segir Jón Þór og bætir því við að þetta hafi verið mjög óeðlileg vinnubrögð af hendi Baltasars. „Ég er ekki sár heldur meira hissa því ég taldi mig fyrst og fremst vera að gæta hagsmuna Saga Film." Baltasar Kormákur kannaðist við þessar ásakanir þegar Fréttablaðið náði tali af honum en vísaði þeim alfarið á bug. Hann hefði setið í stjórn Saga Film en þegar stjórnarskipti urðu hefði hann vikið úr stjórn. Hann ráðfærði sig jafnframt við Ara Edwald, forstjóra 365 hf., sem eiga meirihluta í Saga Film, og Ari fullvissaði hann um að þessi ákvörðun hefði ekkert með A Journey Home-málið að gera. Ari staðfesti þetta í samtali við Fréttablaðið. „Það er enginn pirringur út í Baltasar hjá 365. Og þessi mynd hafði ekkert með brotthvarf hans úr stjórninni að gera," segir Ari. „Ég veit ekki betur en að mál þessarar myndar séu í góðum farvegi," segir Ari. Baltasar Vísar öllu á bug. Steven Haft segir að Saga Film fái endurgreiddan þann kostnað sem fyrirtækið hafi lagt út við undirbúning myndarinnar þegar hann komi til landsins eftir rúman hálfan mánuð. Hann vísar því alfarið á bug að Baltasar hafi leikið tveimur skjöldum. Steven haft segir Baltasar hafa haft þá reynslu og þekkingu sem þeir hafi verið að leita að. „Jón Þór kynnti Baltasar fyrir mér sem mjög áhrifamikinn sjálfstæðan kvikmyndaframleiðanda en ekki sem fulltrúa Saga Film. Staðreyndin var einfaldlega sú að Saga Film hafði ekki það sem við vorum að leita að. Saga Film er eitt besta fyrirtækið á Íslandi þegar kemur að því að þjónusta stórmyndir en það var ekki það sem við þurftum. Við þurftum skapandi framleiðanda með reynslu af sjálfstæðri kvikmyndagerð og Baltasar hefur þá reynslu," segir Steven Haft sem vonast þó til að þetta mál skaði ekki samskipti þeirra við Saga Film. „Við höfum fullan hug á því að leita eftir aðstoð þeirra þegar myndin verður tekin upp hér á landi." Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Var talin vera hommi og lögð í einelti Lífið Segir Murphy gera lítið úr kynferðisofbeldi Bíó og sjónvarp Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
„Ég er ekki lengur framleiðandi A Journey Home," segir Jón Þór Hannesson, fyrrum eigandi Saga Film, sem stefndi að því að gera kvikmynd eftir samnefndri bók Ólafs Jóhanns Ólafssonar. Jón Þór hefur unnið að undirbúningi myndarinnar undanfarin tvö ár og eytt að eigin sögn gríðarlegu fjármagni í að koma myndinni á koppinn. Jón Þór ber Baltasar Kormáki ekki vel söguna og að aðkoma leikstjórans hafi komið honum spánskt fyrir sjónir. „Baltasar var stjórnarmaður í stjórn Saga Film og fór á fund bandaríska framleiðandans Steven Haft að beiðni stjórnarinnar. Samband þeirra styrktist síðan þegar á leið og undir lokin var hann farinn að haga sér eins og hann ætti þetta verkefni. Þegar þetta komst upp var auðvitað talað við forsvarsmenn fyrirtækisins en lendingin varð sú að Baltasar var sagður úr stjórninni. Í farteskinu hafði hann hins vegar A Journey Home," lýsir Jón Þór yfir. „Mér finnst þetta í sannleika sagt alveg ótrúleg ósvífni því Saga Film hefur látið háar fjárhæðir af hendi rakna til að finna tökustaði og þess háttar," bætir hann við. „Mennirnir þarna úti töldu sig vera að tala við fulltrúa Saga Film en ekki Baltasar Kormák, kvikmyndaleikstjóra og eiganda Sagnar," segir Jón Þór og bætir því við að þetta hafi verið mjög óeðlileg vinnubrögð af hendi Baltasars. „Ég er ekki sár heldur meira hissa því ég taldi mig fyrst og fremst vera að gæta hagsmuna Saga Film." Baltasar Kormákur kannaðist við þessar ásakanir þegar Fréttablaðið náði tali af honum en vísaði þeim alfarið á bug. Hann hefði setið í stjórn Saga Film en þegar stjórnarskipti urðu hefði hann vikið úr stjórn. Hann ráðfærði sig jafnframt við Ara Edwald, forstjóra 365 hf., sem eiga meirihluta í Saga Film, og Ari fullvissaði hann um að þessi ákvörðun hefði ekkert með A Journey Home-málið að gera. Ari staðfesti þetta í samtali við Fréttablaðið. „Það er enginn pirringur út í Baltasar hjá 365. Og þessi mynd hafði ekkert með brotthvarf hans úr stjórninni að gera," segir Ari. „Ég veit ekki betur en að mál þessarar myndar séu í góðum farvegi," segir Ari. Baltasar Vísar öllu á bug. Steven Haft segir að Saga Film fái endurgreiddan þann kostnað sem fyrirtækið hafi lagt út við undirbúning myndarinnar þegar hann komi til landsins eftir rúman hálfan mánuð. Hann vísar því alfarið á bug að Baltasar hafi leikið tveimur skjöldum. Steven haft segir Baltasar hafa haft þá reynslu og þekkingu sem þeir hafi verið að leita að. „Jón Þór kynnti Baltasar fyrir mér sem mjög áhrifamikinn sjálfstæðan kvikmyndaframleiðanda en ekki sem fulltrúa Saga Film. Staðreyndin var einfaldlega sú að Saga Film hafði ekki það sem við vorum að leita að. Saga Film er eitt besta fyrirtækið á Íslandi þegar kemur að því að þjónusta stórmyndir en það var ekki það sem við þurftum. Við þurftum skapandi framleiðanda með reynslu af sjálfstæðri kvikmyndagerð og Baltasar hefur þá reynslu," segir Steven Haft sem vonast þó til að þetta mál skaði ekki samskipti þeirra við Saga Film. „Við höfum fullan hug á því að leita eftir aðstoð þeirra þegar myndin verður tekin upp hér á landi."
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Var talin vera hommi og lögð í einelti Lífið Segir Murphy gera lítið úr kynferðisofbeldi Bíó og sjónvarp Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira