Stærsta bílasýning ársins 9. júní 2007 10:00 Gísli Rúnar á sjálfur ófáa bíla og mótorhjóli. Hér situr hann á 1939 Royal Enfield mótorhjóli sínu. Bíladagar verða á Akureyri 15. til 17. júní. Keppt verður í spyrnu og burnout-keppni og um 200 farartæki verða til sýnis á einni stærstu bílasýningu sem haldin hefur verið hérlendis. 33 sinnum hafa bílaáhugamenn safnast saman eina helgi á Akureyri, sýnt sig og bíla sína og skoðað það sem aðrir hafa upp á að bjóða. Samkoman hefur síðustu ár gengið undir nafninu Bíladagar á Akureyri og hefur þátttakendum fjölgað frá ári til árs. Nú stefnir í metþátttöku á 34. bíladögunum enda hátíðin aldrei verið stærri. „Þetta er flottasta bílasýning ársins,“ segir Gísli Rúnar Víðisson, sýningastjóri og stjórnarmeðlimur Bílaklúbbs Akureyrar. „Þarna mæta áhugamenn um bíla, mótorhjól, spíttbáta og öll önnur farartæki. “ Bíladagarnir eru næstu helgi, 15. til 17. júní, og hefst dagskráin á föstudeginum með svokallaðri burnout-keppni. Þá reykspóla menn og stig eru gefin fyrir flottasta spólið, mesta reykinn og svo framvegis. „Keppnin er haldin á íþróttaleikvanginum á Akureyri og það er nóg pláss fyrir alla sem vilja horfa í stúkunni,“ segir Gísli Rúnar. Um 200 bílar verða til sýnis á Bíladögum á Akureyri sem ná hámarki á þjóðhátíðardeginum 17. júní. mynd/Guðmundur þórir Á laugardeginum er keppt í spyrnu í fjölmörgum flokkum og á sunnudeginum, þjóðhátíðardeginum, er komið að sýningunni sjálfri. „Sýningin er haldin í Boganum, nýju íþróttahöllinni á Akureyri, milli tíu og sex. Höllin er 10.000 fermetrar og verður fullt af bílum til sýnis bæði inni í höllinni og fyrir utan, allt frá mótorhjólum og sportbílum til fornbíla og atvinnutækja,“ segir Gísli Rúnar. „Ég held að þetta sé stærsti sýningarflötur fyrir bílasýningu sem haldin hefur verið hérlendis.“ Skráning ökutækja í burnout-keppnina, spyrnuna og á sýninguna stendur yfir á www.ba.is eða í síma 862-6450. „Við eigum von á 200 tækjum og fullt af fólki og auðvitað hvetjum við alla til að mæta og taka þátt,“ segir Gísli Rúnar. „Þetta verður afskaplega gaman bæði fyrir bíladellufólk og bara alla sem koma norður um helgina.“ Burnout-keppnin vekur alltaf mikla athygli á Bíladögum. Keppt er í að spóla með sem mestum tilþrifum. Allar nánari upplýsingar um bíladagana er að finna á www.ba.is. Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Einfalt og frísklegt útlit fyrir hlaupið Lífið Fagnaði 35 árum í sólinni Lífið
Bíladagar verða á Akureyri 15. til 17. júní. Keppt verður í spyrnu og burnout-keppni og um 200 farartæki verða til sýnis á einni stærstu bílasýningu sem haldin hefur verið hérlendis. 33 sinnum hafa bílaáhugamenn safnast saman eina helgi á Akureyri, sýnt sig og bíla sína og skoðað það sem aðrir hafa upp á að bjóða. Samkoman hefur síðustu ár gengið undir nafninu Bíladagar á Akureyri og hefur þátttakendum fjölgað frá ári til árs. Nú stefnir í metþátttöku á 34. bíladögunum enda hátíðin aldrei verið stærri. „Þetta er flottasta bílasýning ársins,“ segir Gísli Rúnar Víðisson, sýningastjóri og stjórnarmeðlimur Bílaklúbbs Akureyrar. „Þarna mæta áhugamenn um bíla, mótorhjól, spíttbáta og öll önnur farartæki. “ Bíladagarnir eru næstu helgi, 15. til 17. júní, og hefst dagskráin á föstudeginum með svokallaðri burnout-keppni. Þá reykspóla menn og stig eru gefin fyrir flottasta spólið, mesta reykinn og svo framvegis. „Keppnin er haldin á íþróttaleikvanginum á Akureyri og það er nóg pláss fyrir alla sem vilja horfa í stúkunni,“ segir Gísli Rúnar. Um 200 bílar verða til sýnis á Bíladögum á Akureyri sem ná hámarki á þjóðhátíðardeginum 17. júní. mynd/Guðmundur þórir Á laugardeginum er keppt í spyrnu í fjölmörgum flokkum og á sunnudeginum, þjóðhátíðardeginum, er komið að sýningunni sjálfri. „Sýningin er haldin í Boganum, nýju íþróttahöllinni á Akureyri, milli tíu og sex. Höllin er 10.000 fermetrar og verður fullt af bílum til sýnis bæði inni í höllinni og fyrir utan, allt frá mótorhjólum og sportbílum til fornbíla og atvinnutækja,“ segir Gísli Rúnar. „Ég held að þetta sé stærsti sýningarflötur fyrir bílasýningu sem haldin hefur verið hérlendis.“ Skráning ökutækja í burnout-keppnina, spyrnuna og á sýninguna stendur yfir á www.ba.is eða í síma 862-6450. „Við eigum von á 200 tækjum og fullt af fólki og auðvitað hvetjum við alla til að mæta og taka þátt,“ segir Gísli Rúnar. „Þetta verður afskaplega gaman bæði fyrir bíladellufólk og bara alla sem koma norður um helgina.“ Burnout-keppnin vekur alltaf mikla athygli á Bíladögum. Keppt er í að spóla með sem mestum tilþrifum. Allar nánari upplýsingar um bíladagana er að finna á www.ba.is.
Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Einfalt og frísklegt útlit fyrir hlaupið Lífið Fagnaði 35 árum í sólinni Lífið