Skipt um fjármálastjóra hjá Volkswagen

Stjórn þýsku bílaframleiðandanna hjá Volkswagen ætlar ekki að framlengja samning sinn við Hans Dieter Poetsch, fjármálastjóra fyrirtækisins, sem rennur út um áramótin.

Að sögn þýska tímaritsins Focus um helgina tengist ákvörðunin uppsögn Bernd Pischetsrieders, forstjóra Volkswagen, sem sagt hefur upp störfum frá og með næstu áramótum en hann mun hafa ráðið Poetsch til starfa.

Martin Winterkorn, núverandi forstjóri Audi, mun taka við starfi Pischetsrieders en hann er jafnframt sagður tengjast Ferdinand Piech, stjórnarformanni Volkswagen, sterkum böndum. Við starfi Poetsch tekur Rupert Stadler, sem nú er fjármálastjóri Audi.