Spænska knattspyrnufélagið Valencia hefur nú kynnt formlega áform sín um að reisa nýjan knattspyrnuleikvang í borginni sem ætlað verður að leysa gamla Mestalla leikvanginn af hólmi.
Nýr leikvangur verður reistur í norðurhluta borgarinnar, tekur um 75.000 áhorfendur í sæti og verður ekki ósvipaður Allianz Arena, heimavelli Bayern Munchen. Stefnt er að því að taka nýja völlinn í notkun árið 2009 og vonast forráðamenn Valencia til þess að fá að hýsa úrslitaleikinn í Meistaradeildinni fljótlega eftir opnun hans.
