Húsleit í tveimur húsum vegna fíkniefna

Lögregla gerði í dag húsleit í tveimur húsum í Hafnarfirði þar sem grunur lék á finna mætti fíkniefni og vopn. Annað húsanna er í miðbæ Hafnarfjarðar og var einn maður handtekinn við innrás lögreglunnar þar. Samkvæmt heimildum NFS er sá maður á sextugsaldri og hefur áður komist kast við lögin. Lögreglan í Hafnarfirði naut aðstoðar starfsbræðra sinna í Kópavogi, sérsveitar Ríkislögreglustjóra og tollvarða við aðgerðirnar en ekki hefur fengist gefið upp hvort og þá hversu mikið af fíkniefnum hafi fundist í húsunum tveimur.