Óbreyttir stýrivextir í Bretlandi

Stjórn Englandsbanka ákvað á fundi sínum í dag að halda stýrivöxtum óbreyttum. Stýrivextir í Bretlandi standa í 4,5 prósentum og hafa þeir haldist óbreyttir undanfarna 10 mánuði.

Ákvörðunin kemur ekki á óvart enda bjuggust flestir fjármálasérfræðingar við þessari niðurstöðu og telja þeir litlar breytingar í vændum í nánustu framtíð.

Síðasta breyting á stýrivöxtum í Bretlandi var í ágúst á síðasta ári þegar Englandsbanki lækkaði vextina um fjórðung úr prósenti.