Vandræðin virðast aldrei hætta

Það sem byrjaði með Hot Coffee hneykslinu virðist engan enda ætla að taka. Leikur sem Rockstar Games eru að vinna að þarf núna að sæta hörðum árásum frá Bullying Online, vegna þess að hann er sagður ýta undir einelti í skólum.  Leikurinn, sem heitir því einfalda nafni Bully, snýst um ungann mann i framhaldsskóla sem þarf að standa í hárinu á hrekkjusvínum, þola einelti af höndum kennara, stríða öðrum krökkum, reyna við stelpur, og á endanum að komast heill í gegnum skóladagana. Bullying Online er stuðningshópur í Bretlandi fyrir börn sem verða fyrir einelti. Þau taka málið mjög alvarlega því þau óttast það að ung börn muni herma eftir því sem þau sjá í leiknum. Þótt að leikurinn hafi ekki enn verið dæmdur, er talið líklegt að hann verði bannaður innan 17 ára, en það sem veldur mestum áhyggjum er sú staðreynd að margir leikjasalar hafa verið að selja leikinn í forsölu án þess að forvitnast um aldur kaupanda. Lögmaður að nafni Jack Thompson sem hefur barist harkalega gegn útgáfu leikjarins hefur óskað eftir fundi við Rockstar Games og ESRB til að koma í veg fyrir útgáfu leiksins. Hann hefur einnig tilkynnt það að tvær fullar rútur af skólabörnum í Bandaríkjunum munu mæta fyrir utan fundarstaðinn til að mótmæla leiknum. Vandræðin virðast elta Rockstar uppi, en Geim mun alltaf fylgjast vel með.