Fjórtán ára á Vog 11. apríl 2005 00:01 Forsvarsmenn Samtaka áhugafólks um áfengis- og vímuefnavandann, betur þekkt undir skammstöfuninni SÁÁ, greina öðru hvoru frá starfseminni og hafa yfirleitt daprar fréttir að færa, þó inni á milli glitti í ljósa punkta. Þannig var það líka í síðustu viku þegar Þórarinn Tyrfingsson sagði frá meðferðarstarfi samtakanna. Megininntakið í boðskap yfirlæknisins að þessu sinni var að dregið verður úr innlögnum í ár um 250-300, greiningar- og skyndiþjónusta sem veitt var á Vogi í fyrra og hitteðfyrra verður ekki veitt og SÁÁ greiða enn með viðhaldsmeðferðinni fyrir sprautufíkla sem nota morfín og heróín. Í þeirri meðferð eru nú um 40 sjúklingar. Þrátt fyrir fréttir frá lögregluyfirvöldum um upptæk fíkniefni, og þá sérstaklega frá embættinu á Keflavíkurflugvelli, virðist alltaf hallast á verri hliðina í vímuefnamálum hérlendis, samkvæmt tölulegu yfirliti SÁÁ. Aldrei hefur verið gert meira upptækt af sterkum efnum en á undanförnum misserum, en einhvers staðar hljóta þó að vera innflutningsglufur sem ekki hefur enn tekist að fylla í. Þarna er ennþá mikið verk að vinna til að koma í veg fyrir þetta smygl. En það eru aðrar leiðir sem ætti að vera auðveldra að loka, ef menn þá á annað borð vilja það. Allt að tíu af hundraði sjúklinga sem koma á Vog eru þar vegna lyfja sem ávísað hefur verið af læknum. Sjúklingum í þessum flokki hefur fjölgað verulega á undanförnum árum. Þeir fá ávísun á róandi og örvandi ávanalyf og sterk verkjalyf. Það ætti að vera auðvelt að komast til botns í því hverjir fá þessi lyf og hverjir gefa út lyfseðlana. Stöðugt er verið að herða eftirlit með lyfjum og lyfseðlum, en samt virðist þetta vera vaxandi vandi í þjóðfélaginu samkvæmt upplýsingum SÁÁ. Það er svo annað mál hvort breyta ætti um stefnu varðandi sprautufíklana því þeir eru vandamál víðar en hér. Í Zürich í Sviss var ákveðið hverfi í nágrenni miðborgarinnar undirlagt af sprautufíklum sem voru öllum til ama. Þar var farin sú leið að flytja þá í burtu og láta þá hafa sinn skammt undir eftirliti. Þetta breytti ásýnd borgarinnar og með einhverjum ráðum tókst að koma hluta fíklanna á rétta braut. Forsvarsmenn SÁÁ kalla á raunhæf viðbrögð læknasamtakanna og embættismanna í baráttunni við sprautufíkla og kannski væri hægt að fara svissnesku leiðina, jafnframt því sem lögum yrði komið yfir þá sem gerst hafa brotlegir í þessum efnum. Ljósi punkturinn í boðskap Þórarins Tyrfingssonar í síðustu viku var að þeim fækkar sem eru innan við 24 ára og lagðir eru inn á Vog. Það er í fyrsta sinn frá því samtökin voru stofnuð sem innlögnum í þessum aldursflokki fækkar. Þrátt fyrir það voru 237 manns sem þangað komu 19 ára eða yngri, og þar af var einn fjórtán ára unglingur - kannski rétt fermdur, og þrettán fimmtán ára unglingar komu á Vog. Árið 2002 komu tæplega 300 ungmenni í meðferð á Vogi, og hafa aldrei fleiri í þeim aldursflokkum komið þangað. Fræðslu- og meðferðarstarf er þarna að skila árangri, en betur má ef duga skal. Viltu birta grein á Vísi? Sendu okkur póst. Senda grein Fastir pennar Kári Jónasson Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Hver ætlar að bera ábyrgð á mannslífi? Sævar Þór Jónsson Skoðun Er útlegð á innleið? Reyn Alpha Magnúsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Skólarnir lokaðir - myglan vinnur Guðmundur Þórir Sigurðsson Skoðun Horfumst í augu Kristín Thoroddsen Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Lægjum öldurnar Halla Hrund Logadóttir Skoðun
Forsvarsmenn Samtaka áhugafólks um áfengis- og vímuefnavandann, betur þekkt undir skammstöfuninni SÁÁ, greina öðru hvoru frá starfseminni og hafa yfirleitt daprar fréttir að færa, þó inni á milli glitti í ljósa punkta. Þannig var það líka í síðustu viku þegar Þórarinn Tyrfingsson sagði frá meðferðarstarfi samtakanna. Megininntakið í boðskap yfirlæknisins að þessu sinni var að dregið verður úr innlögnum í ár um 250-300, greiningar- og skyndiþjónusta sem veitt var á Vogi í fyrra og hitteðfyrra verður ekki veitt og SÁÁ greiða enn með viðhaldsmeðferðinni fyrir sprautufíkla sem nota morfín og heróín. Í þeirri meðferð eru nú um 40 sjúklingar. Þrátt fyrir fréttir frá lögregluyfirvöldum um upptæk fíkniefni, og þá sérstaklega frá embættinu á Keflavíkurflugvelli, virðist alltaf hallast á verri hliðina í vímuefnamálum hérlendis, samkvæmt tölulegu yfirliti SÁÁ. Aldrei hefur verið gert meira upptækt af sterkum efnum en á undanförnum misserum, en einhvers staðar hljóta þó að vera innflutningsglufur sem ekki hefur enn tekist að fylla í. Þarna er ennþá mikið verk að vinna til að koma í veg fyrir þetta smygl. En það eru aðrar leiðir sem ætti að vera auðveldra að loka, ef menn þá á annað borð vilja það. Allt að tíu af hundraði sjúklinga sem koma á Vog eru þar vegna lyfja sem ávísað hefur verið af læknum. Sjúklingum í þessum flokki hefur fjölgað verulega á undanförnum árum. Þeir fá ávísun á róandi og örvandi ávanalyf og sterk verkjalyf. Það ætti að vera auðvelt að komast til botns í því hverjir fá þessi lyf og hverjir gefa út lyfseðlana. Stöðugt er verið að herða eftirlit með lyfjum og lyfseðlum, en samt virðist þetta vera vaxandi vandi í þjóðfélaginu samkvæmt upplýsingum SÁÁ. Það er svo annað mál hvort breyta ætti um stefnu varðandi sprautufíklana því þeir eru vandamál víðar en hér. Í Zürich í Sviss var ákveðið hverfi í nágrenni miðborgarinnar undirlagt af sprautufíklum sem voru öllum til ama. Þar var farin sú leið að flytja þá í burtu og láta þá hafa sinn skammt undir eftirliti. Þetta breytti ásýnd borgarinnar og með einhverjum ráðum tókst að koma hluta fíklanna á rétta braut. Forsvarsmenn SÁÁ kalla á raunhæf viðbrögð læknasamtakanna og embættismanna í baráttunni við sprautufíkla og kannski væri hægt að fara svissnesku leiðina, jafnframt því sem lögum yrði komið yfir þá sem gerst hafa brotlegir í þessum efnum. Ljósi punkturinn í boðskap Þórarins Tyrfingssonar í síðustu viku var að þeim fækkar sem eru innan við 24 ára og lagðir eru inn á Vog. Það er í fyrsta sinn frá því samtökin voru stofnuð sem innlögnum í þessum aldursflokki fækkar. Þrátt fyrir það voru 237 manns sem þangað komu 19 ára eða yngri, og þar af var einn fjórtán ára unglingur - kannski rétt fermdur, og þrettán fimmtán ára unglingar komu á Vog. Árið 2002 komu tæplega 300 ungmenni í meðferð á Vogi, og hafa aldrei fleiri í þeim aldursflokkum komið þangað. Fræðslu- og meðferðarstarf er þarna að skila árangri, en betur má ef duga skal.
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun