Silfur Egils sex ára 7. apríl 2005 00:01 Silfur Egils er sex ára núna um helgina. Þátturinn fór fyrst í loftið 11. apríl 1999 á Skjá einum, sem þá sýndi aðallega gamla Dallasþætti - fyrir alþingiskosningar sem voru þá um vorið. Var talin ástæða til að skerpa á fremur dauflegri pólitískri umræðu. Síðan þá eru þættirnir orðnir hátt í þrjúhundruð talsins. Silfrið hefur verið á Stöð 2 síðustu tvö árin og er nú í beinni útsendingu í klukkan 12 á sunnudögum - í opinni dagskrá. Sex ár þykja nokkuð langur tími í íslensku sjónvarpi; ef lítið er yfir sviðið eru ekki margir sjónvarpsþættir á dagskrá núna sem eiga lengri líftíma Góðir gestir eru væntanlegir í þáttinn á sunnudag. Þar má nefna eina helstu vonarstjörnu íslenskra stjórnmála, Ásdísi Höllu Bragadóttur, bæjarstjóra í Garðabæ, Einar Odd Kristjánsson alþingismann og Össur Skarphéðinsson sem nú á í hörðum formannsslag í Samfylkingunni. Formannskosningin þar hefst eftir fáa daga. Að vanda verður fjallað um þau pólitísku hitamál sem hæst ber um þessar mundir, en einnig reynt að horfa víðar um heiminn, tala um hugmyndir, alþjóðapólitík, þjóðmál í víðustum skilningi. Þá er líklegt að verði rýnt aðeins betur - frá sjónarhóli kvennabaráttu - í arfleifð páfans látna sem vekur nú upp furðulega geðshræringu suður í Róm, en einnig sýnist manni að sé von á skýrslu margumtalaðrar fjölmiðlanefndar á næstu dögum. Viltu birta grein á Vísi? Sendu okkur póst. Senda grein Pistlar Silfur Egils Mest lesið Fylgið fór vegna fullveldismáls Hjörtur J. Guðmundsson Skoðun Flokkurinn hans Gunnars Smára? Guðbergur Egill Eyjólfsson Skoðun Er Ísrael ennþá útvalin þjóð Guðs? Ómar Torfason Skoðun Falleinkunn skólakerfis? Helga Þórisdóttir Skoðun Hvers vegna berðu kross? Hrafnhildur Sigurðardóttir Skoðun Sniðgangan á Rapyd slær öll met Björn B. Björnsson Skoðun Hvar er auðlindarentan? Birta Karen Tryggvadóttir Skoðun Hver borgar brúsann? Ingibjörg Isaksen Skoðun Frá Írak til Gaza: Hvað höfum við lært af lygunum og stríðsbröltinu? Helen Ólafsdóttir Skoðun Þannig gerum við þetta? Ísak Ernir Kristinsson Skoðun
Silfur Egils er sex ára núna um helgina. Þátturinn fór fyrst í loftið 11. apríl 1999 á Skjá einum, sem þá sýndi aðallega gamla Dallasþætti - fyrir alþingiskosningar sem voru þá um vorið. Var talin ástæða til að skerpa á fremur dauflegri pólitískri umræðu. Síðan þá eru þættirnir orðnir hátt í þrjúhundruð talsins. Silfrið hefur verið á Stöð 2 síðustu tvö árin og er nú í beinni útsendingu í klukkan 12 á sunnudögum - í opinni dagskrá. Sex ár þykja nokkuð langur tími í íslensku sjónvarpi; ef lítið er yfir sviðið eru ekki margir sjónvarpsþættir á dagskrá núna sem eiga lengri líftíma Góðir gestir eru væntanlegir í þáttinn á sunnudag. Þar má nefna eina helstu vonarstjörnu íslenskra stjórnmála, Ásdísi Höllu Bragadóttur, bæjarstjóra í Garðabæ, Einar Odd Kristjánsson alþingismann og Össur Skarphéðinsson sem nú á í hörðum formannsslag í Samfylkingunni. Formannskosningin þar hefst eftir fáa daga. Að vanda verður fjallað um þau pólitísku hitamál sem hæst ber um þessar mundir, en einnig reynt að horfa víðar um heiminn, tala um hugmyndir, alþjóðapólitík, þjóðmál í víðustum skilningi. Þá er líklegt að verði rýnt aðeins betur - frá sjónarhóli kvennabaráttu - í arfleifð páfans látna sem vekur nú upp furðulega geðshræringu suður í Róm, en einnig sýnist manni að sé von á skýrslu margumtalaðrar fjölmiðlanefndar á næstu dögum.