Kveikt í bíl í Grafarvogi

Íbúar fjölbýlishúss í Grafarvogi vöknuðu upp við vondan draum undir morgun þegar sprengingar gullu við. Þegar nánar var að gáð stóð bíll í björtu báli fyrir utan húsið. Brotist hafði verið inn í bílinn og þar tendruð flugeldaterta sem óðar kveikti í öllu sem brunnið gat í bílnum. Slökkvilið var kvatt á vettvang en þá var bíllinn þegar ónýtur. Lögregla hefur tiltekinn mannn grunaðan um verknaðinn og er hans nú leitað. Grunur leikur líka á að kveikt hafi verið í skiptistöð strætisvagna við Digranesveg og gjána í Kópavogi í gærkvöldi. Húsið er nær ónýtt en engan sakaði í brunanum.