Barnabílstólar fyrir öll börn

"Við segjum að auknum þægindum fylgir oft meira öryggi," segir Árni Eyjólfsson eigandi barnavöruverslunarinnar Ólavíu og Oliver í Glæsibæ og vitnar þar í nýjan barnabílstól í versluninni. Árni segir að bylting hafi orðið í barnabílstólum þegar undirstaða hafi verið sett undir stólinn. "Nú festurðu undirstöðuna aðeins einu sinni og losnar þannig við þrengslin og erfiðleikana sem oft fylgdi því að festa barnabílstóla í bíl. Þessir stólar eru þeir mest seldu á markaðnum í dag og að mínu mati er undirstaðan ástæðan fyrir því." Í Ólavíu og Oliver er mikið úrval af barnabílstólum ásamt öllu því sem viðkemur börnum. Þar er einnig hægt að leigja bílstól sem fer mjög vaxandi enda geta foreldrar þá verið fullvissir um að börn þeirra séu í réttum og öruggum stól. "Umferðastofa mælir með því að börn séu sem lengst í bílstólum. Við erum með stóla fyrir börn frá 0 til 13 kíló, 9 til 18 og 15 til 36 kíló og að mati Umferðastofu eiga nýfædd börn að sitja í öfugri aksturstefnu en 15-25 kílóa börn eiga að sitja í réttri aksturstefnu og þá skiptir ekki máli hvort stóllinn er fram í eða aftur í. Höfuð lítils barns er svo rosalega stórt og svo ef högg kemur á bílinn kastast höfuðið með miklum þunga og þá er betra að barnið snúi öfugt." Lestu meira í tímaritinu Magasín sem fylgir DV í dag.