Lögreglufylgd fyrir jólasveininn
Jólasveinninn fær lögreglufylgd í bænum Alloa í Skotlandi þessi jólin. Þar hefur jólasveinninn þrammað í sérhvert hús undanfarin 40 ár, en fyrir tveimur árum síðan varð hann fyrir aðkasti og í hann var kastað flöskum og steinum á fleiri en einum stað. Í fyrra lagði jólasveinninn því ekki í að ganga um götur bæjarins litla, en þetta árið kemur hann tvíefldur til leiks, með lögregluþjóna sér við hlið.
