Frumsýning hjá Brimborg

Citroën C5 er nýkomin í umboðið hjá Brimborg og að því tilefni verður efnt til franskrar stemningar í húsakynnum Brimborgar að Bíldshöfða 6. Herlegheitin hefjast klukkan 12 og lýkur klukkan 16 í dag, 13. nóvember. Allir gestir fá kaffi og croissant og Edith Piaff mætir á svæðið um klukkan 14 og tekur lagið. Hver sem er getur reynsluekið nýja C5 bílinn, en hann er einn af mest seldu bifreiðum í Evrópu í sínum flokki. C5 er með vökvafjöðrun og búinn sjálfvirkni. Bíllinn er fimm dyra með hlera að aftan en einnig er hægt að fá hann sem station-bíl. Verðið er frá 2.170.000 krónum. Búast má við að franskir dagar verði aftur í mars á næsta ári hjá Brimborg þar sem Citroën C4 verður frumsýndur.