14,7% aukning frá fyrra ári

P. Samúelsson hf. afhenti um síðustu helgi þrjúþúsundasta Toyota bílinn á þessu ári. Aðalbjörg Jónasdóttir og fjölskylda hennar tók við lyklunum að hvítum Avensis Wagon úr hendi Péturs Magnússonar sölumanns. P. Samúelsson hf. hefur selt 3.023 bíla það sem af er árinu. Að jafnaði seljast því um 10 Toyota bílar á dag. Þetta er 14,7% aukning frá sama tíma í fyrra og er markaðshlutdeild Toyota 28%. Söluhæstu bílarnir þetta árið eru Toyota Yaris með 690, Toyota Corolla með 682 og Toyota Land Cruiser með 468.