Ódýrari bragðarefur

Hver er ekki orðinn leiður á því að keyra fram hjá hverri einustu ísbúð í bænum á heitum sumarkvöldum og alls staðar fullt út úr dyrum? Það er svo miklu einfaldara að sleppa bara röðinni, koma við í næstu verslun og kaupa hráefnið í góðan og stóran bragðaref upp á eigin spýtur. Þó þú eigir ekki blandara þá er það í lagi því hægt er að hræra hráefnunum saman. En hvað kostar það eiginlega? Lítill þristur um 60 krónur Stórt Rís um 120 krónur Banani um 30 krónur Einn lítill poki af Nóa Kroppi um 150 krónur Einn lítri af vanilluís um 250 krónur Samtals um 610 krónur Auðvitað er hægt að hafa hvað sem er í bragðaref og fer það allt eftir smekk hvers og eins. Aðferð: Gott er að ísinn sé ekki alveg frosinn þegar farið er út í bragðarefsgerð. Brytjaðu allt hráefnið niður (nema Nóa kropp) og blandaðu saman við ísinn í skál eða blandara. Blandaðu vel saman og settu í falleg glös með skeið. Njóttu vel.