Viðskipti erlent

Verður stærsta kauphöll heims

Stjórnendur NYSE Euronext-kauphallarsamstæðunnar og Deutsche Börse, þýsku kauphallarinnar, greindu frá því í gær að samrunaviðræður væru í gangi. Skili þær tilætluðum árangri verður til stærsti hlutabréfamarkaður í heimi.

Viðskipti erlent 10.2.2011 11:45

Skipasmiðir tapa 35 milljörðum á ofursnekkju

Sagan um Eclipce stærstu ofursnekkju heims líkist æ meir nútíma lúxusharmleik en þessi fljótandi höll er í eigu Roman Abramovitch. Nú er komið í ljós að þýska skipasmíðastöðin Blohm & Voss, sem tóku að sér smíði Eclipse, muni tapa um 300 milljónum dollara eða um 35 milljörðum kr. á verkinu.

Viðskipti erlent 10.2.2011 10:35

Danske Bank sækir 420 milljarða í hlutafjárútboði

Danske Bank ætlar að sækja sér 20 milljarða danskra kr. eða ríflega 420 milljarða kr. í nýju hlutafjárútboði á fyrri helming þessa árs. Þetta kom fram á kynningu á ársuppgjöri bankans fyrir síðasta ár.

Viðskipti erlent 10.2.2011 09:49

Hörð gagnrýni á AGS frá endurskoðendum sjóðsins

Sjálfstæðir endurskoðendur/matsmenn (IEO) Alþjóðagjaldeyrissjóðsins (AGS) gagnrýna sjóðinn harðlega fyrir að hafa ekki séð fjármálakreppuna fyrir árið 2007. Meðal annars er gagnrýnt að í skýrslu sinni um Ísland árið 2007 hafi AGS ekki einbeitt sér að þeirri staðreynd að stærð bankakerfis landsins var orðin 1.000% af landsframleiðslu þess.

Viðskipti erlent 10.2.2011 09:15

Hagnaður Rio Tinto nam 1.650 milljörðum í fyrra

Námurisinn Rio Tinto, móðurfélag álversins í Straumsvík, hagnaðist um 14,3 milljarða dollara á síðasta ári eða ríflega 1.650 milljarða kr. Þetta er nær þreföldun á hagnaði miðað við árið áður þegar hann nam 4,9 milljörðum dollara.

Viðskipti erlent 10.2.2011 08:39

Danir gætu þurft að taka upp evru

„Svo gæti farið að á næstunni þurfi Danmörk að endurskoða afstöðu sína til evrunnar,“ sagði Lars Løkke Rasmus­sen, forsætisráðherra Danmerkur, í umræðum á danska þjóðþinginu í gær.

Viðskipti erlent 10.2.2011 07:30

Stórt innherjasvikamál upplýst á Wall Street

Rannsókn á stóru innherjasvikamáli á Wall Street hefur leitt til handtöku fjögurra manna. Einn er greinandi en þrír voru forstjórar vogunarsjóða, þar af tveir frá milljarðasjóðnum SAC Capital.

Viðskipti erlent 9.2.2011 14:21

Boða nýja kynslóð af iPad

Apple er byrjað að undirbúa framleiðslu á næstu kynslóð af iPad, eftir því sem fram kemur í Wall Street Journal. Nýja útgáfan fær heitið iPad 2 og mun samkvæmt upplýsingum blaðsins vera með innbygða myndavél og vinnslan verður hraðari en í fyrstu útgáfunni.

Viðskipti erlent 9.2.2011 12:23

Kröfur um að Danske Bank stórauki eigið fé sitt

Meirihluti mun vera fyrir því á danska þinginu að Danske Bank verði gert að stórauka eigið fé sitt. Rætt hefur verið um að eiginfjárhlutfall bankans verði hækkað um 2 til 3 prósentustig sem myndi þýða um 16 til 24 milljarða danskra kr. eða allt að 500 milljarða kr.

Viðskipti erlent 9.2.2011 10:56

Statoil veldur vonbrigðum, hlutabréf falla í verði

Uppgjör norska olíurisans Statoil fyrir fjórða ársfjórðung á síðasta ári hefur valdið vonbrigðum. Hagnaðurinn var nokkuð undir væntingum fjárfesta og hefur niðurstaðan valdið því að hlutir í félaginu hafa lækkað um 3% í morgun. Sú lækkun leiddi til þess að vísitalan í kauphöllinni í Osló hóf daginn í rauðum lit.

Viðskipti erlent 9.2.2011 10:19

Mubarak gæti verið ríkasti maður í heimi

Hosni Mubarak forseti Egyptlands gæti verið ríkasti maður heimins og ætti því meiri auð en menn á borð við Carlos Slim, Bill Gates og Warren Buffett.

Viðskipti erlent 9.2.2011 09:16

Olíubirgðir Saudi Arabíu ekki nægar til verðlækkanna

Samkvæmt skjölum sem WikiLeaks hefur sett á vefinn telja bandarískir embættismenn að Saudi Arabar eigi ekki nægilega miklar olíubirgðir til að halda olíuverðinu niðri. Raunar telja þeir að birgðirnar, það er óunnin olía í landinu, séu ofmetnar um 40% sem samsvarar 300 milljörðum tunna af olíu.

Viðskipti erlent 9.2.2011 08:34

SAS tapaði 54 milljörðum í fyrra

SAS flugfélagið skilaði 3 milljarða sænskra kr. eða 54 milljarða kr. tapi á síðasta ári. Eldgosið í Eyjafjallajökli var flugfélaginu þungt í skauti en um 700 milljón sænskra kr. af tapinu má rekja til gossins.

Viðskipti erlent 9.2.2011 08:09

Kínverjar hækka stýrivexti vegna verðbólgu

Kínverjar hafa hækkað stýrivexti sína í annað sinn á síðustu sex vikum. Ástæðan er barátta þarlendra stjórnvalda við vaxandi verðbólguþrýsing í landinu. Vextirnir voru hækkaðir um 0,25 prósentur eins og síðast og eru vextirnir þá komnir í 3%.

Viðskipti erlent 8.2.2011 13:58

Verð á matvælum í heiminum heldur áfram að hækka

Verð á matvælum heldur áfram að hækka og hefur aldrei verið hærra samkvæmt mati Alþjóðamatvælastofnunarinnar FAO.

Viðskipti erlent 8.2.2011 12:31

Viðskiptajöfnuður Danmerkur 2.000 milljarðar í plús

Viðskiptajöfnuður Danmerkur á síðasta ári sló öll fyrri met. Viðskiptajöfnuðurinn var hagstæður um 93,6 milljarða danskra kr. eða tæplega 2.000 milljarða kr. Fyrra met í afgangi á viðskiptajöfnuðinum í Danmörku var sett árið 2005 en þá var hann hagstæður um rúma 67 milljarða danskra kr.

Viðskipti erlent 8.2.2011 10:02

Varað við fleiri bankagjaldþrotum í Danmörku

Fjármálaeftirlit Danmerkur hefur varað við því að fleiri bankagjaldþrot séu í farvatninu í kjölfar þess að Amagerbanken féll með hvelli um helgina. Raunar hefur Amagerbanken þegar dregið lítinn sparisjóð, Sparekassen Midtfjord, með sér í fallinu.

Viðskipti erlent 8.2.2011 09:12

Fjórði hver danskur banki fallinn í kreppunni

Það er svipuð staða komin upp í danska bankageiranum og laginu um Tíu litla negrastráka. Einn af öðrum hafa þeir horfið bakvið móðuna miklu undanfarin ár. Frá árinu 2007 þegar fjármálakreppan hófst hefur fjórði hver banki í Danmörku hætt rekstri eða sameinast öðrum banka.

Viðskipti erlent 7.2.2011 19:30

Sjælsö reiknar með að reksturinn verði á sléttu í ár

Sjælsö Gruppen reiknar með því að rekstur félagsins verði á sléttu í ár, það er að hagnaður ársins verði 0 kr. fyrir skatta og hugsanlegar afskriftir. Skattar og afskriftir nemi hinsvegar um 240 milljónum danskra kr. fyrir árið í fyrra.

Viðskipti erlent 7.2.2011 15:13

Miklar hreinsanir á næstunni meðal Nokia stjóra

Nokkrir háttsettir stjórnendur finnska farsímarisans Nokia verða látnir taka pokann sinn á næstunni. Hinn nýi forstjóri Nokia, Stephen Elop, ætlar sér að hreinsa rækilega til í stjórnunarteymi fyrirtækisins. Þetta hefur The Wall Street Journal eftir ónafngreindum heimildum.

Viðskipti erlent 7.2.2011 13:59

Mótmælin kosta Egyptland 36 milljarða á dag

Mótmælin í Eyptlandi hafa hingað til kostað hagkerfi landsins 36 milljarða kr. á dag. Þetta kemur fram í skýrslu greiningar franska bankans Credit Agricole um málið.

Viðskipti erlent 7.2.2011 13:18

Umfangsmikið skattafúsk í kvótasölu í Noregi

Skattyfirvöld í Noregi segja að við eftirlit með sjávarútvegsfyrirtækjum landsins í fyrra hafi skatturinn uppgvötvað tekjur upp á 1,2 milljarða norskra kr. eða 24 milljarða kr. sem ekki voru taldar fram. Megnið af þessum tekjum, eða 800 milljónir norskra kr., voru vegna viðskipta með veiðiheimildir.

Viðskipti erlent 7.2.2011 12:23

Beinagrindurnar rúlla úr skápum Amagerbanken

Tölurnar um hugsanlegt tap vegna gjaldþrots Amagerbanken fara hækkandi eftir því sem líður á morguninn. Nú er talið að tapið geti numið allt að 9 milljörðum danskra kr. eða vel yfir 180 milljarða kr.

Viðskipti erlent 7.2.2011 10:19

Danska ríkið gæti tapað 140 milljörðum á Amagerbanken

Danska ríkið gæti endað með því að tapa 6,7 milljörðum danskra kr. eða ríflega 140 milljörðum kr. á gjaldþroti Amagerbanken sem tilkynnt var á sunnudag. Þetta samsvarar því að hver einasti Dani þurfi að greiða 1.200 danskrar kr. eða ríflega 25.000 kr. vegna gjaldþrotsins.

Viðskipti erlent 7.2.2011 08:51

Góður hagnaður hjá French Connection

Breska tískuverslanakeðjan French Connection hefur tilkynnt að áætlaður hagnaður hennar á síðasta rekstrarári, sem lauk 31. janúar s.l., hafi numið 6,8 milljónum punda eða tæplega 1,3 milljörðum kr. Um mikinn viðsnúning er að ræða m.v. við árið á undan þegar keðjan tapaði tæpum 13 milljónum punda.

Viðskipti erlent 7.2.2011 08:19

Amagerbankinn gjaldþrota

Amagerbankinn danski er gjaldþrota og var yfirtekinn af dönsku fjármálastöðugleikastofnuninni í gær. Þar með er lokið miklum darraðardansi sem stjórnendur bankans hafa staðið í allt frá því efnahagskreppan skall á, en oft hefur bankinn verið nærri því að leggja upp laupana. Það gerðist í gær í kjölfar þess að greint var frá því á föstudag að bankinn hefði þurft að afskrifa þrjá milljarða danskra króna af reikningum bankans á fjórða ársfjórðungi síðasta árs. Bankinn var sá níundi stærsti í Danmörku.

Viðskipti erlent 7.2.2011 08:03

Atvinnuleysisskáin styttist í Bandaríkjunum

Atvinnuleysi í Bandaríkjunum dróst saman um 0,4 prósent á milli mánaðanna desember og janúar að því er fram kemur í tölum vinnumálastofnunarinnar þar í landi.

Viðskipti erlent 4.2.2011 19:45

Sænska stjórnin setur hlut í Nordea til sölu

Ein stærsta bankasala á Norðurlöndunum er framundan en sænsk stjórnvöld hafa lýst því yfir að söluferli á hlut sænska ríkisins í Nordea bankanum sé hafið.

Viðskipti erlent 4.2.2011 07:21

Forseti Rússlands fær nýtt leikfang

Dimitry Medevdev forseti Rússlands hefur fengið nýtt leikfang. Um er að ræða lúxussnekkju sem gefur þeim bestu í heiminum lítt eftir.

Viðskipti erlent 4.2.2011 07:19

Tug milljarða bónusar til Nordea stjóra

Yfirmenn Nordea bankans, stærsta banka á Norðurlöndunum, munu fá um 1,3 milljarða danskra kr. eða rúmlega 27 milljarða kr., í bónusa fyrir síðasta ár. Bankinn skilaði methagnaði í fyrra eða 27 milljörðum danskra kr. sem svarar til um 570 milljarða kr.

Viðskipti erlent 3.2.2011 10:02