Leiðtogar funda á ný um skuldavanda 28. júní 2012 06:45 Forseti Evrópuþingsins, Martin Schulz, og forseti framkvæmdastjórnar ESB, Jose Manuel Barroso, komu til fundar við fréttamenn í Brussel í gær. nordicphotos/afp Leiðtogar Evrópusambandsríkjanna munu funda í Brussel í dag og á morgun. Leiðtogarnir funda um sama mál og oftast undanfarin ár, skuldavanda álfunnar og mögulegar lausnir á henni. Á fundinum verður rætt um skýrslu sem Jose Manuel Barroso, forseti framkvæmdastjórnar ESB, Mario Draghi seðlabankastjóri Evrópu, Jean-Claud Juncker, yfirmaður evruhópsins og Herman Van Rompuy, forseti leiðtogaráðs ESB, hafa gert. Í henni er lagt til að Evrópusambandið fái endanlegt vald yfir fjárlögum evruríkjanna og að eftirlit með fjármálageiranum verði sameiginlegt. Leiðtogarnir munu skoða ráð til þess að takast á við skuldavanda ríkjanna sjálfra, skuldavanda banka, hjálpa Grikklandi og örva hagvöxt í álfunni. Skuldir einstakra ríkja eru gríðarlegar og lánakostnaður þeirra gæti því fljótt orðið þeim óbærilega mikill. Sem kunnugt er hafa Írar, Portúgalar og Grikkir þegar fengið björgunarlán vegna hárra opinberra skulda og Spánn til þess að bjarga bönkum. Kýpur varð svo í gær fimmta ríkið til þess að fá björgunarlán. Alþjóðagjaldeyrissjóðurinn sagði í yfirlýsingu í gær að teymi yrði sent til Kýpur innan skamms til að kanna aðstæður. Ef fleiri ríki þurfa á björgunarlánum að halda, til dæmis Ítalía, gæti það reynst Evrópu erfitt. Ein tillaganna sem hafa verið skoðaðar er útgáfa sérstakra evruskuldabréfa, svo ríkin á evrusvæðinu deili ábyrgðinni á skuldum hinna verst settu. Angela Merkel, kanslari Þýskalands, hefur verið mótfallin þessu og ítrekaði þá skoðun sína í neðri deild þýska þingsins í gær. Þá hefur verið til skoðunar að búa til sérstakan tryggingarsjóð fyrir fjármagnseigendur til þess að koma í veg fyrir að þeir taki peninga sína úr bönkum sem eiga í vanda. Sérfræðingar hafa þó áhyggjur af því að tillögur sem samþykktar verða á fundinum muni einfaldlega ekki duga til. Þær verði ekki nógu fljótvirkar eða nógu róttækar til að takast á við vandann. thorunn@frettabladid.is Mest lesið „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Nýtt trend: Engir yfirmenn á vinnustaðnum Atvinnulíf Stöðva þurfi rányrkju bílastæðaeigenda Neytendur Útlit fyrir frekari verðhækkanir á kaffimarkaði Neytendur Tupperware lýsir yfir gjaldþroti Viðskipti erlent Tók aldrei mark á svartsýnisröddum Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Leiðtogar Evrópusambandsríkjanna munu funda í Brussel í dag og á morgun. Leiðtogarnir funda um sama mál og oftast undanfarin ár, skuldavanda álfunnar og mögulegar lausnir á henni. Á fundinum verður rætt um skýrslu sem Jose Manuel Barroso, forseti framkvæmdastjórnar ESB, Mario Draghi seðlabankastjóri Evrópu, Jean-Claud Juncker, yfirmaður evruhópsins og Herman Van Rompuy, forseti leiðtogaráðs ESB, hafa gert. Í henni er lagt til að Evrópusambandið fái endanlegt vald yfir fjárlögum evruríkjanna og að eftirlit með fjármálageiranum verði sameiginlegt. Leiðtogarnir munu skoða ráð til þess að takast á við skuldavanda ríkjanna sjálfra, skuldavanda banka, hjálpa Grikklandi og örva hagvöxt í álfunni. Skuldir einstakra ríkja eru gríðarlegar og lánakostnaður þeirra gæti því fljótt orðið þeim óbærilega mikill. Sem kunnugt er hafa Írar, Portúgalar og Grikkir þegar fengið björgunarlán vegna hárra opinberra skulda og Spánn til þess að bjarga bönkum. Kýpur varð svo í gær fimmta ríkið til þess að fá björgunarlán. Alþjóðagjaldeyrissjóðurinn sagði í yfirlýsingu í gær að teymi yrði sent til Kýpur innan skamms til að kanna aðstæður. Ef fleiri ríki þurfa á björgunarlánum að halda, til dæmis Ítalía, gæti það reynst Evrópu erfitt. Ein tillaganna sem hafa verið skoðaðar er útgáfa sérstakra evruskuldabréfa, svo ríkin á evrusvæðinu deili ábyrgðinni á skuldum hinna verst settu. Angela Merkel, kanslari Þýskalands, hefur verið mótfallin þessu og ítrekaði þá skoðun sína í neðri deild þýska þingsins í gær. Þá hefur verið til skoðunar að búa til sérstakan tryggingarsjóð fyrir fjármagnseigendur til þess að koma í veg fyrir að þeir taki peninga sína úr bönkum sem eiga í vanda. Sérfræðingar hafa þó áhyggjur af því að tillögur sem samþykktar verða á fundinum muni einfaldlega ekki duga til. Þær verði ekki nógu fljótvirkar eða nógu róttækar til að takast á við vandann. thorunn@frettabladid.is
Mest lesið „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Nýtt trend: Engir yfirmenn á vinnustaðnum Atvinnulíf Stöðva þurfi rányrkju bílastæðaeigenda Neytendur Útlit fyrir frekari verðhækkanir á kaffimarkaði Neytendur Tupperware lýsir yfir gjaldþroti Viðskipti erlent Tók aldrei mark á svartsýnisröddum Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira