Svalasta blásaraveit landsins 5. apríl 2007 15:00 Þær Valdís Þorkelsdóttir og Bergrún Snæbjörnsdóttir ætluðu ekki að trúa því þegar þær fengu símtal og var boðið að spila með Björk Guðmundsdóttur. „Ég hélt fyrst að það væri einhver að stríða mér þegar það var hringt í mig og spurt hvort ég vildi spila með Björk og fara í tónleikaferð með henni þannig að ég afþakkaði pent. Svo hugsaði ég smá um þetta og fattaði hvað ég hefði gert, hringdi til baka og endaði hér." segir Valdís Þorkelsdóttir trompetleikari. Valdís er ein tíu stúlkna sem skipa blásarasveit Bjarkar Guðmundsdóttur á komandi tónleikaferð hennar um heiminn. Eins og kunnugt er gefur Björk út sjöttu sólóplötu sína, Volta, sjöunda maí næstkomandi. Bergrún Snæbjörnsdóttir sem spilar á franskt horn hafði svipaða sögu að segja. „Ég var búin að týna símanum mínum og vera símalaus í viku og svo svona tíu mínútum eftir að ég kveikti á nýja símanum var hringt í mig og mér boðið að koma í prufu, það munaði rosa litlu að ég hefði misst af þessu." Bergrún og Valdís eru hluti tíu stúlkna blásarasveitar sem mun spila með Björk á tónleikaferðalagi hennar um heiminn til að fylgja eftir nýjustu breiðskífu hennar, Volta. Stelpurnar eru á aldrinum sautján til tuttugu og eins árs og voru valdar úr góðum hópi umsækjenda eftir viðtöl og prufur með Björk. Eftir prufurnar voru þær svo fengnar til að spila í tveimur af lögunum sem verða á plötunni og eru búnar að standa í ströngum æfingum síðan. Eins og allt liggur fyrir í dag lítur út fyrir að stelpurnar verði á faraldsfæti næstu átján mánuði. „Þetta átti fyrst að vera ár en er alltaf að lengjast, sem er bara betra. Þetta er samt svolítið óraunverulegt en náttúrulega rosalegt tækifæri fyrir okkur," segja þær. „Svo verður það ekkert leiðinlegt að vera á þessum tónlistarhátíðum í sumar." Meðal þeirra staða sem þær munu spila á eru Hróarskelda í Danmörku, Glastonbury í Bretlandi og Coachella í Bandaríkjunum. Blásarasveit Bjarkar leggur upp í heimsferðalag með Björk á næstunni. Sveitina skipa, auk Valdísar og Bergrúnar, þær Brynja Guðmundsdóttir, Björk Níelsdóttir, Erla Axelsdóttir, Harpa Jóhannsdóttir, Sigrún Jónsdóttir, Sigrún Kristbjörg Jónsdóttir, Sylvía Hlynsdóttir og Særún Pálmadóttir. MYND/Heiða Blásarasveitin samanstendur af þremur trompetum, þremur frönskum hornum, þremur básúnum og einni túbu. Báðar hafa stelpurnar lært á hljóðfæri frá því að þær voru ungar og þóttu á tímabili hálf kjánalegar að vera heima að æfa sig á hljóðfæri þegar þær hefðu getað verið úti í sjoppu að reykja eða eitthvað á þá lund „Maður er búinn að puðra í þetta frá því að maður var lítill og allir að gera grín að okkur og svo allt í einu erum við orðnar svalar," segja þær og hlæja. „Það var bara alltaf eitthvað sem togaði í mann að halda áfram." Aðspurðar um hvernig þeim lítist á nýju lögin sagði Bergrún: „Þetta er frábær tónlist, nýja platan er sjúk, alveg ótrúlega flott. Þegar ég kem heim eftir æfingar langar mig svo mikið að hlusta á sum lögin en ég get það ekki, því við erum auðvitað ekki með diskinn." Valdís heldur áfram og segir: „Þetta er eitthvað alveg nýtt. Björk er náttúrulega alltaf langt á undan og maður heldur að þetta hljóti að fara að hætta, hún geti ekki verið svona mikið á undan, en henni tekst það samt." Fyrstu tónleikarnir þar sem Björk mun flytja efni af Volta verða í Laugardalshöll núna á mánudaginn. Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira
„Ég hélt fyrst að það væri einhver að stríða mér þegar það var hringt í mig og spurt hvort ég vildi spila með Björk og fara í tónleikaferð með henni þannig að ég afþakkaði pent. Svo hugsaði ég smá um þetta og fattaði hvað ég hefði gert, hringdi til baka og endaði hér." segir Valdís Þorkelsdóttir trompetleikari. Valdís er ein tíu stúlkna sem skipa blásarasveit Bjarkar Guðmundsdóttur á komandi tónleikaferð hennar um heiminn. Eins og kunnugt er gefur Björk út sjöttu sólóplötu sína, Volta, sjöunda maí næstkomandi. Bergrún Snæbjörnsdóttir sem spilar á franskt horn hafði svipaða sögu að segja. „Ég var búin að týna símanum mínum og vera símalaus í viku og svo svona tíu mínútum eftir að ég kveikti á nýja símanum var hringt í mig og mér boðið að koma í prufu, það munaði rosa litlu að ég hefði misst af þessu." Bergrún og Valdís eru hluti tíu stúlkna blásarasveitar sem mun spila með Björk á tónleikaferðalagi hennar um heiminn til að fylgja eftir nýjustu breiðskífu hennar, Volta. Stelpurnar eru á aldrinum sautján til tuttugu og eins árs og voru valdar úr góðum hópi umsækjenda eftir viðtöl og prufur með Björk. Eftir prufurnar voru þær svo fengnar til að spila í tveimur af lögunum sem verða á plötunni og eru búnar að standa í ströngum æfingum síðan. Eins og allt liggur fyrir í dag lítur út fyrir að stelpurnar verði á faraldsfæti næstu átján mánuði. „Þetta átti fyrst að vera ár en er alltaf að lengjast, sem er bara betra. Þetta er samt svolítið óraunverulegt en náttúrulega rosalegt tækifæri fyrir okkur," segja þær. „Svo verður það ekkert leiðinlegt að vera á þessum tónlistarhátíðum í sumar." Meðal þeirra staða sem þær munu spila á eru Hróarskelda í Danmörku, Glastonbury í Bretlandi og Coachella í Bandaríkjunum. Blásarasveit Bjarkar leggur upp í heimsferðalag með Björk á næstunni. Sveitina skipa, auk Valdísar og Bergrúnar, þær Brynja Guðmundsdóttir, Björk Níelsdóttir, Erla Axelsdóttir, Harpa Jóhannsdóttir, Sigrún Jónsdóttir, Sigrún Kristbjörg Jónsdóttir, Sylvía Hlynsdóttir og Særún Pálmadóttir. MYND/Heiða Blásarasveitin samanstendur af þremur trompetum, þremur frönskum hornum, þremur básúnum og einni túbu. Báðar hafa stelpurnar lært á hljóðfæri frá því að þær voru ungar og þóttu á tímabili hálf kjánalegar að vera heima að æfa sig á hljóðfæri þegar þær hefðu getað verið úti í sjoppu að reykja eða eitthvað á þá lund „Maður er búinn að puðra í þetta frá því að maður var lítill og allir að gera grín að okkur og svo allt í einu erum við orðnar svalar," segja þær og hlæja. „Það var bara alltaf eitthvað sem togaði í mann að halda áfram." Aðspurðar um hvernig þeim lítist á nýju lögin sagði Bergrún: „Þetta er frábær tónlist, nýja platan er sjúk, alveg ótrúlega flott. Þegar ég kem heim eftir æfingar langar mig svo mikið að hlusta á sum lögin en ég get það ekki, því við erum auðvitað ekki með diskinn." Valdís heldur áfram og segir: „Þetta er eitthvað alveg nýtt. Björk er náttúrulega alltaf langt á undan og maður heldur að þetta hljóti að fara að hætta, hún geti ekki verið svona mikið á undan, en henni tekst það samt." Fyrstu tónleikarnir þar sem Björk mun flytja efni af Volta verða í Laugardalshöll núna á mánudaginn.
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Var talin vera hommi og lögð í einelti Lífið „Eini metnaðurinn minn var að líða ekki illa“ Lífið Segir Murphy gera lítið úr kynferðisofbeldi Bíó og sjónvarp Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira