Mikill verðmunur á skólavörum 13. október 2005 14:32 Verslunin Office 1 í Kringlunni býður lægsta verðið á skólavörum þetta haustið af þeim tíu verslunum sem Fréttablaðið gerði könnun í um hádegisbil á mánudag. Karfan með 15 vörutegundum kostaði þar 404 krónur en næstlægsta verðið á henni var í Griffli, 528 krónur. Penninn/Eymundsson í Kringlunni var með þriðju ódýrustu körfuna, upp á 712 krónur, en fast á eftir fylgdu Mál og menning á Laugavegi með körfu upp á 741 krónur og Hagkaup á 796. Verðkönnunin náði til 15 vörutegunda og var listinn byggður að mestu á lista 5. bekkjar Foldaskóla í Grafarvogi. Alls staðar er miðað við stykkjaverð en ekki magnkaup, nema í tilviki línustrikaðra blaða í A4-stærð sem voru 100 í pakka og trélita sem voru 12 í pakka. Reyndar voru tvær verslanir, Bókabúð Grafarvogs og Fjarðarkaup, bara með A4-blöð í 50 stk. pökkum og tvöfölduðum við verðið í þeim tilvikum. Einnig voru blýantar ekki til í stykkjatali í Hagkaupum, heldur bara þrír í pakka, og í því tilfelli deildum við með 3 í pakkaverð til að fá út stykkjaverð. Alls staðar var beðið um ódýrustu vöruna í hverjum flokki, án tillits til gæða, en þó var ekki um magnpakkningar að ræða t.d. á stíla- og reikningsbókum, sem hugsanlega er hagkvæmast. Mikill munur er á verðinu milli verslana, eða 357,4% milli þeirrar ódýrustu og dýrustu. Bókabúð Grafarvogs er með dýrustu körfuna, 1.848 krónur, og Fjarðarkaup í Hafnarfirði þá næstdýrustu, 1.305 krónur. Þriðja dýrust er Skólavörubúðin með körfu upp á 1.286 krónur. Vert er að benda neytendum á að vera sjálfir vakandi fyrir verði og vörugæðum, sem eru afar mismunandi í skólavarningi. Ekki er síst ástæða til þess nú þegar vertíð er á skólavörumarkaðnum og mikið af óvönu fólki við afgreiðslu í þeim verslunum sem selja slíkar vörur. Í ljós kom þegar starfsmenn Fréttablaðsins voru á ferðinni að starfsmenn gátu í sumum tilvikum ekki vísað á ódýrustu vörurnar. Einnig má ljóst vera að þar sem verðið er svo lágt að ótrúlegt má teljast liggja líklegast ekki að baki vörur í háum gæðaflokki. Nám Mest lesið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Krakkatían: Dýrin, heimsálfur og teiknimyndir Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp Ein lausn er að liggja hlið við hlið og fróa sér Lífið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Ógleymanlegt fermingarpils enn í uppáhaldi Tíska og hönnun Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Verslunin Office 1 í Kringlunni býður lægsta verðið á skólavörum þetta haustið af þeim tíu verslunum sem Fréttablaðið gerði könnun í um hádegisbil á mánudag. Karfan með 15 vörutegundum kostaði þar 404 krónur en næstlægsta verðið á henni var í Griffli, 528 krónur. Penninn/Eymundsson í Kringlunni var með þriðju ódýrustu körfuna, upp á 712 krónur, en fast á eftir fylgdu Mál og menning á Laugavegi með körfu upp á 741 krónur og Hagkaup á 796. Verðkönnunin náði til 15 vörutegunda og var listinn byggður að mestu á lista 5. bekkjar Foldaskóla í Grafarvogi. Alls staðar er miðað við stykkjaverð en ekki magnkaup, nema í tilviki línustrikaðra blaða í A4-stærð sem voru 100 í pakka og trélita sem voru 12 í pakka. Reyndar voru tvær verslanir, Bókabúð Grafarvogs og Fjarðarkaup, bara með A4-blöð í 50 stk. pökkum og tvöfölduðum við verðið í þeim tilvikum. Einnig voru blýantar ekki til í stykkjatali í Hagkaupum, heldur bara þrír í pakka, og í því tilfelli deildum við með 3 í pakkaverð til að fá út stykkjaverð. Alls staðar var beðið um ódýrustu vöruna í hverjum flokki, án tillits til gæða, en þó var ekki um magnpakkningar að ræða t.d. á stíla- og reikningsbókum, sem hugsanlega er hagkvæmast. Mikill munur er á verðinu milli verslana, eða 357,4% milli þeirrar ódýrustu og dýrustu. Bókabúð Grafarvogs er með dýrustu körfuna, 1.848 krónur, og Fjarðarkaup í Hafnarfirði þá næstdýrustu, 1.305 krónur. Þriðja dýrust er Skólavörubúðin með körfu upp á 1.286 krónur. Vert er að benda neytendum á að vera sjálfir vakandi fyrir verði og vörugæðum, sem eru afar mismunandi í skólavarningi. Ekki er síst ástæða til þess nú þegar vertíð er á skólavörumarkaðnum og mikið af óvönu fólki við afgreiðslu í þeim verslunum sem selja slíkar vörur. Í ljós kom þegar starfsmenn Fréttablaðsins voru á ferðinni að starfsmenn gátu í sumum tilvikum ekki vísað á ódýrustu vörurnar. Einnig má ljóst vera að þar sem verðið er svo lágt að ótrúlegt má teljast liggja líklegast ekki að baki vörur í háum gæðaflokki.
Nám Mest lesið Var talin vera hommi og lögð í einelti Lífið „Við munum ekki eldast saman“ Lífið Ísland með auga fuglsins Lífið Krakkatían: Dýrin, heimsálfur og teiknimyndir Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp Ein lausn er að liggja hlið við hlið og fróa sér Lífið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Ógleymanlegt fermingarpils enn í uppáhaldi Tíska og hönnun Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira